I ei tid der regjeringa varslar strammare budsjett med mindre oljepengebruk og kutt i fleire sektorar, leggjast det opp til ei vidareføring av forsking og ein realvekst innan utdanning.
Auka kostnadsramme for studentbustader
Det var knytt ein del spenning til kva for nyheiter statsråden ville komme med under besøket sitt i Molde. Første del av besøket vart lagt til studentbustadene på Molde Campus og treffstaden “Mellomrommet”. Her kunne Borten Moe fortelje at regjeringa foreslår å auke kostandsrammen til bygginga av nye studentbustader frå ca. ein million pr. hybel i dag til 1.450 millionar pr. hybel i 2023. Det betyr at fleire nye bustader vil kunne få statsstøtte.
Etter å ha møtt tilsette og studentar ved studentsamskipnaden og høgskulen fekk ministeren ein guida tur på campus av rektor og direktør. Første stopp var på studenthyblane på Molde Campus. Deretter gjekk turen innom det nyoppussa simulerings- og ferdigheitssenteret for sjukepleie- og vernepleiestudentene i B-bygget.
Gjesteforelesing med framlegging av statsbudsjettet
Ministerbesøket vart avslutta med ei gjesteforelesing i store auditorium på høgskulen, kvar han presenterte regjeringa sitt forslag til statsbudsjett for 2023, med vekt på høgare utdanning og forsking.
Sjølv om UH-sektoren vil få noko betre rammevilkår i neste år, er det òg verdt å merke seg nyheita om at regjeringa foreslår å fjerne ordninga med gratis utdanning for utanlandske studentar og i prinsippet innføre skulepengar for studentar utanfor EØS og Sveits.
>Du kan sjå heile forelesinga og budsjettframlegget i opptak her